Wednesday, December 07, 2005

Eg - ei isdronning



Her ein dag fekk eg ei fjøl i hovudet, eller rettare: eg fekk hjørnet av fjøla i venstre augebein. Det var borte i garasja under leitinga av flakar og presenning til å kle inne silobandet med, moska og styrte og leitte i noko material som stod der, då kom ho deisande, fjøla. Frå å stå på høgkant oppetter veggen, bikka ho over og sigla ned mot hovudet mitt, høgre hjørne mot venstre augebein, ssschhhmokk, sa det, og eg kjende knea gje etter ein augeblunk, berre så vidt, berre slik at dei bøygde av nokre sekund, at dei seig saman, som hydraulikken i eit lasteplan omtrent, langsamt saman, før dei langsamt retta seg oppatt. Eg banna stygt, eg sa satans drit, ja, det sa eg faktisk, før eg fann ut at det ikkje hjalp å banne, så eg heldt fram med fa fa fa og pe pe pe på inn og utpust nokre gongar, tok meg til hovudet, retta handa ut framfor meg, stirde på blodet, klynka, gav opp og banna stygt igjen, tok sats og sparka til fjøla, den jævla fjøla, kjende auget mitt verte mindre og mindre, synsranda mindre og mindre og svimmelheita større og større.
Javel, tenkte eg, eg har ikkje tenkt å svime, du får tåle dette, vesle dumme hovud, berre ta det, ta det! I staden for å gå inn og legge meg, stavra eg meg bort til kjellaren og fann fram skeissene, med svimmelheit skulle svimla fordrivast, det var min plan, og eg tusla bort til vatnet, knytte dei på meg og tok nokre salige piruettar, og tru det eller ei, men det kom seg ,g etter ei stund var eg heilt viss på at eg var ei isdronning.

3 comments:

Rue de Bernières said...

Du svimler meg, frøken!

Håper du har det bra der oppe, at mor har lagt en saftig biff på øyet ditt og kanskje er kakebakinga allerede i gang?

Gode klemmer fra Stina
(jeg tillater meg å slenge på en fra Mettis, også. Det er sikkert greit, tror du ikke?)

Hilde said...

Å, jadda! I dag har eg og ho mor baka 38 løfser. Auget mitt har opna seg att, og eg går framleis på skeisser kvar dag.

Takk for klem! Eg håpar å ta ein tur til B før jul, og då møtest vi jo :) Stor klem tilbake.

*** said...

fytti katta, du er tøff. men: ER DET SANT - det at du svimla rundt på skøyter etterpå? OG at du står på skøyter hver dag? er det en form for julekalender: en tur hver dag i desember?
om å komme til bergen eller at noen skal flytte til deg i dalen...: pøh. du fortjener egentlig hele den fantastiske syltedalen for deg selv. det er akkurat passe mengde skjønnhet for deg, isprinsessa. en hel dal fyllt av det vidunderlige. du fortjener ikke mindre.